雲來軒 (已結業)

素來愛吃中菜的我，知道好多明星都會來幫襯呢間餐廳，當然要來試試啦。雲來軒個名好有詩意，令我更期待呢餐飯。原來仲攞過咁多獎，質素應該有保證。首先來了碟冰荷濃醬脆皮安格斯牛仔腩，果然無令我失望。炸過既牛仔腩外皮好鬆化，安格斯牛肉質淋得來又有牛味，配埋秘製咖哩醬更惹味。燉湯周圍都有，用功夫茶壺燉既湯就真係比較少見，細細既功夫茶杯更能鎖住湯既溫度。呢個日本花菇雞腳燉螺頭好足料，飲完好滋潤同滿足。金磚豆腐：炸過既豆腐表皮好香脆，入面既豆腐就好嫩滑，一次過有兩個口感👍🏻水芙蓉蒸明蝦球：呢個得獎菜式真係齋睇個樣都知好食，蝦球夠大隻好爽口，配上滑嘟嘟既蛋白去蒸好夾。醒胃話梅雞(半隻): 用石鍋上枱，夠晒熱辣辣，話梅汁好開胃三十年新會陳皮紅豆沙: 一上枱就聞到好香既陳皮味，碗紅豆沙夠滑！