影片
更多
2021-09-13
86 瀏覽
行街經過呢間星馬餐廳，列明是採用源自1942年檳城福建麵秘方，兩人套餐$258，包括兩個主食、小食、兩個小菜、兩個飲品、兩個，加上有好多食物選擇，望落挺吸引。一入座店員會提供QR code自助落單，好方便。*小碗招牌辣味蝦湯底 - 肉骨配摻摻 (+$12)湯底用蝦殼、洋蔥、辣椒等材料，每啖湯有好濃蝦味，好鮮甜，完全唔會覺得辣/ 渴口。肉骨我成日有一種感覺係有骨無肉，呢碗裹面2大舊都啖啖肉，肉質軟淋，骨軟到食埋都無問題。*小碗福建滷麵湯底 - 蝦蝦蝦配摻摻 (+$28)湯底以蝦、豬骨、雞熬製，再加入蛋漿及獨門調味，好稠身，質地類似台灣麵線湯羹。蝦蝦蝦原本期望比較多蝦出現，但大蝦只有一隻，而且是唔新鮮; 蝦丸有2粒，好爽口鮮甜，另一款蝦是1開2的小蝦米，如果另加$28呢個份量真是麻麻地。*小食拼盤 -沙嗲雞脾肉串 (2串) +馬來香翼 (2隻)肉質嫩滑，沙嗲汁比一般重花生醬味，加上爆香蒜頭同薑絲，真是好惹味。雞翼香脆，不過炸得比較乾。*五香脆炸豆腐豆卜五香粉灑面，口感香脆可口，配酸梅醬，酸酸甜甜挺開胃。*娘惹參巴咖喱蕃薯葉味道香濃，朋友食開bb辣唔係好接受到，不過番薯葉同蕃薯鮮甜。*桔子香
一入座店員會提供QR code自助落單，好方便。
*小碗招牌辣味蝦湯底 - 肉骨配摻摻 (+$12)
湯底用蝦殼、洋蔥、辣椒等材料，每啖湯有好濃蝦味，好鮮甜，完全唔會覺得辣/ 渴口。
肉骨我成日有一種感覺係有骨無肉，呢碗裹面2大舊都啖啖肉，肉質軟淋，骨軟到食埋都無問題。
*小碗福建滷麵湯底 - 蝦蝦蝦配摻摻 (+$28)
湯底以蝦、豬骨、雞熬製，再加入蛋漿及獨門調味，好稠身，質地類似台灣麵線湯羹。
蝦蝦蝦原本期望比較多蝦出現，但大蝦只有一隻，而且是唔新鮮; 蝦丸有2粒，好爽口鮮甜，另一款蝦是1開2的小蝦米，如果另加$28呢個份量真是麻麻地。
*小食拼盤 -沙嗲雞脾肉串 (2串) +馬來香翼 (2隻)
肉質嫩滑，沙嗲汁比一般重花生醬味，加上爆香蒜頭同薑絲，真是好惹味。
雞翼香脆，不過炸得比較乾。
*五香脆炸豆腐豆卜
五香粉灑面，口感香脆可口，配酸梅醬，酸酸甜甜挺開胃。
*娘惹參巴咖喱蕃薯葉
味道香濃，朋友食開bb辣唔係好接受到，不過番薯葉同蕃薯鮮甜。
*桔子香茅凍
果凍有淡淡桔子味，幾清新，但個汁太甜，未必人人接受到。
*摩摩喳喳 (熱)
裹面有芋頭、紫薯、西米露、南瓜粒、香蕉、蘭
初初以為類似喳喳的味道，其實完全唔似，無喳喳的稠身，反之有淡淡芋頭、紫薯味，再配上香蕉的甜味，好夾好特別。
另外一提，食左一半店員中途已經上左甜品，熱的摩摩喳喳最後變左凍…好奇怪點解唔係食到最後個客話可以先上呢?
P. S. 大家記得下載會員app，有個迎新禮物 - 沙嗲雞髀肉串 (4串)/ 馬來香翼 (4隻)
張貼
