馬六 (已結業)

💕馬六晚市套餐有一款主食、一款小食同飲品除左海南雞、肉骨茶，我嘅最愛就係喇沙🧡.🌈新加坡喇沙米線星馬菜嘅代表菜唔少得喇沙，湯底以多種香料及椰汁熬成🥘香料味頗濃郁，帶陣陣椰香，後勁嘅微辣令味道更添層次.配料有魚蛋、魚片、蝦、豆卜、水煮蛋，豆卜吸晒湯，將湯底的椰香味更加提昇.麵底方面除咗米線，仲可以揀摻摻：米線mix油麵，係較傳統嘅食法（我呢碗係米線only).🌈新加坡咸蛋黃魚皮兩種邪惡又好味嘅食材加埋一齊😈咸香嘅咸蛋黃醬包住薄脆嘅魚皮，蛋黃油香加上魚油香，偶爾放肆食一次特別滿足.🌈桔仔話梅水 凍熱皆宜嘅飲品，酸甜話梅配上清香桔仔，解膩又醒神✨