好時沙嗲

營業中

休息中

成日食泰菜，韓國菜，日本菜，今日轉下口味食星馬菜！海南雞飯- 有經典嘅黑豉油，姜蓉，辣椒醬配搭去骨海南雞，帶住小朋友去食都唔洗煩要剪來剪去，要人手去骨。雞肉嫩滑，雞肉同雞皮之間仲有一層啫喱，就算食到雞胸都唔會好柴👍🏻油飯-粒粒分明，淡淡香料，微微雞油香。炒貴叼- 利用甜黑豉油，配菜有魚旦片，蝦仔，雞蛋，芽菜。微辣加上星馬醬料，食落好惹味！粉絲蝦煲-睇落平平無奇，但粉絲吸收香料同蝦嘅湯汁，食唔停口！蝦食落新鮮，但不足之處過熟，口感比較柴實總括來講，老店水準保持得幾好！雖然環境感覺上好似茶餐廳，但勝在性價比👍🏻