星巴克咖啡

營業中

休息中

最近天氣逐漸回暖，順理成章好多飲品同食品都會以花做主題。今年Starbucks既春季主題都係一樣，粉紅色仲有花，去到見到差不多個個女仔都點，相信已經成功迷倒一眾女性。〈草莓蜜糖花見忌廉星冰樂〉特大裝要$51都幾貴，不過老婆堅持要買嚟飲就冇辦法啦。滿滿嘅忌廉上面仲有啲蜜糖味嘅脆米，口感都幾好。飲落去味道似士多啤梨味雪糕，幾香甜！同期仲有白桃味同柚子味嘅布甸。$25一杯細細杯都幾貴。細細盒嘅布丁出面仲有塊硬卡紙包住，其實真係有需要咁多重包裝嗎？打開眼卡住之後係一個細細嘅膠杯，質地都幾厚身，希望洗乾淨後投入回收箱是可以循環再造到吧！講返個布甸，唔算好香滑，有少少沙沙的感覺。但內裏有一塊細細片嘅白桃，感覺好似冇咁肉赤。同期的熱飲是〈草莓蜜糖花見朱古力咖啡〉。一杯大飲品再加杯細細杯布甸就70幾蚊，老婆你下次都係自己畀錢飲啦。