添好運點心專門店

營業中

休息中

又一間米芝蓮推薦食店，難得經過添好運，有機會試一試當然不錯。係門口睇咗一陣有咩食物，猶豫緊食唔好個陣，店員就叫我地入去試下。環境而言，每張枱位置都偏細，坐得有啲逼。賽磅蟹春卷炸得好脆，不過略嫌炸皮有點厚。餡料係賽螃蟹蟹肉，平時比較少見，幾特別，蟹味都算突出。晶瑩鮮蝦餃皮幾薄，蝦肉都多，啖啖肉。豉汁排骨飯排骨幾入味，有陣陣豉油香，同白飯撈勻同食更暖笠笠。蜜味叉燒腸腸粉皮頗滑溜，叉燒都唔錯，整體正常。鮮蝦燒賣皇每隻燒賣上面有一粒杞子，幾得意。燒賣內裡饀料都幾足，肥滿飽美。