影片
更多
2020-01-26
2949 瀏覽
新一年全新菜單😋魚作新一年請來新主廚經驗豐富的任師傅。任師傅曾經係逸東酒店同君綽海逸酒店的日本餐廳工作，係得酒店工作，味道同賣相俱全係最低要求啦😏今晚我地品嘗既春季餐單包括八道菜式，同時亦可加配餐酒😎我個酒鬼friend梗係鍾意wine pairing呢項選擇🍾🍶麻麻地酒既我惟有捨命陪君子😂先付 紫蘇大和芋， 鱈魚南蠻漬，胡麻法蓮草日本的先付等於前菜。賣相感受到春日氣息🌺🌻🌱伴碟的乾花好靚呀💐大和芋柒上天然粉紅色，再雕琢成櫻花形狀。食落爽口清甜。南蠻漬脆身，又唔會太油膩。法蓮草即是菠菜，配上胡麻醬同原粒小蕃茄🍅刺身 煙燻拖羅，鰝鰺，牡丹蝦原本以為只係普通的刺身，估唔到煙燻拖羅咁好食😭如果可以散叫，我想要一打煙燻拖羅呀🐟先介紹最amazing既刺身，餐廳選用了禾稈草煙燻，煙燻味恰到好處，唔會搶走拖羅的油鮮味。口感肥美，入口即融，令人繞樑三日😋記得食埋點綴既百合😉牡丹蝦鮮甜厚肉，侍應介紹蝦頭仲別有用處添。炸物 炸牡丹蝦頭燒物 雲丹甲羅燒蟹膏，鵪鶉蛋，蟹肉，蟹籽，葱粒，睇見呢個配搭就流曬口水😋仲要加埋海膽，好邪惡呀😍其實我平時連打邊爐都唔識睇d豬肉雞肉熟未😂今次侍應有介紹返，蟹蓋會blueb
魚作新一年請來新主廚經驗豐富的任師傅。任師傅曾經係逸東酒店同君綽海逸酒店的日本餐廳工作，係得酒店工作，味道同賣相俱全係最低要求啦😏今晚我地品嘗既春季餐單包括八道菜式，同時亦可加配餐酒😎我個酒鬼friend梗係鍾意wine pairing呢項選擇🍾🍶麻麻地酒既我惟有捨命陪君子😂
先付
紫蘇大和芋， 鱈魚南蠻漬，胡麻法蓮草
日本的先付等於前菜。賣相感受到春日氣息🌺🌻🌱伴碟的乾花好靚呀💐大和芋柒上天然粉紅色，再雕琢成櫻花形狀。食落爽口清甜。南蠻漬脆身，又唔會太油膩。法蓮草即是菠菜，配上胡麻醬同原粒小蕃茄🍅
刺身 煙燻拖羅，鰝鰺，牡丹蝦
原本以為只係普通的刺身，估唔到煙燻拖羅咁好食😭如果可以散叫，我想要一打煙燻拖羅呀🐟先介紹最amazing既刺身，餐廳選用了禾稈草煙燻，煙燻味恰到好處，唔會搶走拖羅的油鮮味。口感肥美，入口即融，令人繞樑三日😋記得食埋點綴既百合😉牡丹蝦鮮甜厚肉，侍應介紹蝦頭仲別有用處添。
炸物 炸牡丹蝦頭
燒物 雲丹甲羅燒
蟹膏，鵪鶉蛋，蟹肉，蟹籽，葱粒，睇見呢個配搭就流曬口水😋仲要加埋海膽，好邪惡呀😍其實我平時連打邊爐都唔識睇d豬肉雞肉熟未😂今次侍應有介紹返，蟹蓋會blueblueblue，第二次出煙後就食得啦。濃郁香氣，超級正！
頭先既蝦頭就係用黎作炸物，佐以甲羅燒啦🦀咁既做法出面餐廳比較少見，朋友非常鍾意😂香脆的蝦頭點上蟹膏，滋味加倍。不過我就鍾意普通多士，好簡單，上面可以放多d蟹膏呀嘛🤣
串燒 活鰻，華味鳥手羽，花塔菜
平時食開的鰻魚都係軟綿綿的，活鰻就唔同啦，雖然細細粒不過好彈牙，面頭仲燒得脆脆😋花塔菜外型好似西蘭花，味道較清淡🥦😂中和完味覺後，可以食雞翼，肉質嫩滑juicy雞皮香脆👍
煮物 牡勵時雨煮
大大粒廣島蠔😍餐廳挑選了帶酸味的純米酒，一啖米酒加埋飽滿的蠔肉，味道昇華❤️唔好睇少下面平平無奇的蘿白，炆得軟腍之外，用左特製醬汁入味，味道好濃郁架😋
魚作 馬友醬油一夜干
聽師傅介紹先知原來一道魚工序都咁繁複🙈魚肉用醬油風乾一個晚上， 烹調時先焗後燒，咁先做到魚皮脆得黎魚肉滑嫩呀。建議留一半魚肉佐之後的釜飯😉
食事 黑松露舞茸釜飯
舞茸菇，金菇，冬菇一齊蒸煮，散發出淡淡清香味道👍加上微微的飯焦，增添口感。加埋黑松露片更是錦上添花😘
專登叫侍應哥哥慢動作俾我影一影😍題外話，呢個哥哥幾靚仔🙈
真鯛魚湯
另外點了shabu shabu😎香濃奶白色的魚湯配以冬菇，豆腐，葛絲，蒟蒻，食落好warm呀😊
真鯛只需要放入數秒便可食用😋雖然本身已經係刺身級別，不過熟食更窩心，清甜彈牙🤗
春季tasting set 供應至3月31日🌸每位$598，加配餐酒同清酒則每位$698。坐落中環地段，價錢正常唔算貴。雖然我唔鍾意飲酒，不過無可否認，某d食物配酒一同享用真係會昇華❤️推介喔👍
張貼
