辦館 (已結業)

星期六的下午剛好約咗朋友去中環，早到嘅關係來到辦館等。點左杯rose Latte 同沙嗲安格斯牛肉溫泉蛋多士，邊食邊等。Rose latte 香到令人一試難忘，清幽嘅玫瑰花味道，配合甜味剛剛好，唔多又唔少嘅latte，未飲完已經有下次要再嚟飲嘅衝動。呢度除咗買咖啡同少量嘅小食多士，其實仲係賣護膚品，頭髮產品鬈髮器唇膏唇彩嘅天堂，除此以外仲有一啲精品飾物，各位可以邊飲嘢邊購物或者邊購物邊飲嘢。翻閱返其他食評，先至發現點解其他人係用玻璃杯。。。我係用紙杯嘅？無錯呢一樣野令到我覺得有點美中不足。不過算啦呢杯玫瑰latte 已經成為我今日快樂的其中一個原因。多士點左沙嗲安格斯牛肉配溫泉蛋，即叫即整，沙嗲味香濃，安格斯牛肉肉質鮮嫩。厚多士講好熟曬沙嗲汁同蛋汁。美味！朋友嚟到再點左個紅豆菠蘿油，熱辣辣嘅菠蘿包裏面包住紅豆同埋凍冰冰嘅牛油一大片。絕對港式地道風味。蘭桂坊附近來講呢杯咖啡好一流。再要搵其他好好飲嘅咖啡就要去到上環方向了。