Wagyu Ya (已結業)

本人的日本旅行大計因疫情而取消，為了轉換心情，就惟有去食間好食的日本野 今次就食左呢間 Wagyu Ya ，主打鹿兒島直送和牛的燒肉餐廳～～<和牛肉眼蓋海膽串 $388>首先叫左呢個「和牛肉眼蓋海膽串 」～ 輕微地燒過的和牛塊配上肉質飽滿、味道鮮甜的海膽，食落的口感十分配合～ 加埋三文魚子，係味覺新感受<日本蕃茄沙律 $108>呢個蕃茄沙律用了日本直送的蕃茄，甜度好高 加埋酸酸的醬汁，十分之開胃～<肉食者 $688>黎得燒肉餐廳，一定要叫一盤燒肉食架啦！今次叫左個「肉食者」，是一個人氣的燒肉拼盤，包含牛舌、和尚頭(牛的大脾肉)、牛的三角腩和肉眼四個牛部位（每款三片）～餐廳職員話由牛舌食起，然後按順序食和尚頭、三角腩和肉眼～ 牛舌的肉質好柔軟，燒完後十分香口和尚頭的肉色粉嫩，脂肪相對較少，肉味好濃郁；三角腩則有分明的肉脂和油花，燒完後可以一次過試到油脂的濃郁同啖啖的肉味肉眼就煮到5分熟，嫩啲，表面輕微咁烤下，食佢脆脆的口感和嫩肉感～<溫泉玉子御飯 $38>玉子+白飯係無得輸的配搭～ 食完肉，食埋呢個飯，就好飽肚，大滿足！