影片
更多
2010-03-01
19 瀏覽
28-2-2010Lunch hour 到尖沙咀搵食, 想去的 Osaka (http://www.openrice.com/restaurant/commentdetail.htm?commentid=79557) 無 lunch menu, 兜兜轉轉去了另一間又係食「日本嘢」的樓上餐廳, 還掂路過中環店 N 次都未入過去, 又試試吧.星期日的 1:xx pm 嚟到, 除咗一檯客都無之外, 食店仲好似「啱啱瞓醒」一樣, 檯上放了充滿水漬的碗碗碟碟 膽粗粗坐低後, waitress 就話是日咖喱, 味噌煮鯖魚, 三文魚腩, 三文魚籽, 海膽, 牛舌通通無供應 (!?!? ), 幾乎揀無可揀的情況下, 叫了應該較穩陣的鹽燒鯖魚定食 (跟前菜, 沙律, 白飯及味噌湯). 朋友就竟然唔怕死, 叫了「三色丼」定食, 仲要加 $10 將帶子轉了蔥吞拿茸 前菜係中華沙律... 一直以為中華沙律好難會難食, 始終好多時都係來貨, 但呢度的係好乾, 好腥, 又好似帶點臭味, 食了一條立即將佢推開一邊, 好噁心的感覺. 「蘆薈沙律」賣相「糊」得很, 胡麻籽 dressing (?) 水浸一樣, 食
Lunch hour 到尖沙咀搵食, 想去的 Osaka (http://www.openrice.com/restaurant/commentdetail.htm?commentid=79557) 無 lunch menu, 兜兜轉轉去了另一間又係食「日本嘢」的樓上餐廳, 還掂路過中環店 N 次都未入過去, 又試試吧.
星期日的 1:xx pm 嚟到, 除咗一檯客都無之外, 食店仲好似「啱啱瞓醒」一樣, 檯上放了充滿水漬的碗碗碟碟 膽粗粗坐低後, waitress 就話是日咖喱, 味噌煮鯖魚, 三文魚腩, 三文魚籽, 海膽, 牛舌通通無供應 (!?!? ), 幾乎揀無可揀的情況下, 叫了應該較穩陣的鹽燒鯖魚定食 (跟前菜, 沙律, 白飯及味噌湯). 朋友就竟然唔怕死, 叫了「三色丼」定食, 仲要加 $10 將帶子轉了蔥吞拿茸
前菜係中華沙律... 一直以為中華沙律好難會難食, 始終好多時都係來貨, 但呢度的係好乾, 好腥, 又好似帶點臭味, 食了一條立即將佢推開一邊, 好噁心的感覺.
「蘆薈沙律」賣相「糊」得很, 胡麻籽 dressing (?) 水浸一樣, 食了一粒蘆薈覺得「出水度」好嚴重, 都係唔食了.
燒鯖魚賣相正常, 味道亦(可幸)正正常常, 不過唔覺「鹽」燒喎, 無鹹味的? 魚肉亦幾乾幾實, 不過起碼叫入得口吧, 算啦.
白飯就幾難食, 無米香都算, 咬落乾乾削削的, 乜咁隔夜 feel?
味噌湯賣相就最嚇人, 色水混濁, 味道就飲水一樣, 早知唔試.
朋友的三色丼有頗厚切的油甘魚, 頗厚切的三文魚及一個 "scoop" ( ) 蔥吞拿茸, 試了少少蔥吞拿茸只覺蔥味, 吞拿就無味; 朋友就話「好耐無食過超市味的三文魚」, 聽落都幾...
食物唔掂, 環境亦麻麻, 硬覺得有點似唱 K 的地方; 全場得我哋及另一檯客, 我哋叫咁少嘢食, waitress 落單覆單都可以亂到七彩, 態度又愛理不理的, 招呼亦唔掂 -- 還是因為夜晚供應「tick 紙仔」放題的關係, 所以唔識落單?
無啦啦免加一又唔知 85 定 95 折之下, 埋單每人約 $50, 平係好平, 但為免「佢大吉我大凶」, 還是唔再嚟兼 blacklist 佢好了.
P.S. 味道 2 分係俾燒鯖魚的, 因為佢入得口; 其他最多 0.5 分!
張貼
