影片
更多
2007-06-26
10 瀏覽
近排由於忙緊舊公司手頭上未完成嘅工作，又要為番新工要到處張羅，所以出去食餐好嘢嘅時間欠奉，遑論寫食評嘅時間。好唔容易抽到時間同波友阿Madam V 一齊切磋球技。雖然離開咗網球場有一段時間，好彩球技冇生疏到，拍得住費達拿(當佢打波撻Q時)。話切磋球技緊係一個借口啦，出嚟食好嘢至係主要目的。由於警察俱樂部位於銅鑼灣，我地就响附近搵食。經我嘅首席食之顧問阿K介紹，我地去咗呢間主要賣甜品嘅舖頭試一試。雖然話就話係甜品店，但係都供應有限度嘅晚餐。是晚我地三個人就叫咗「軟殼蟹柚子沙律」、「豬扒炒年糕」、「白汁蜆肉炒意粉」、「日本南瓜豬柳焗飯」。由於店舖主打係甜品，所以以上菜色唔係話好令人留下深刻印象，唯獨是「豬扒炒年糕」嘅年糕炒得好入味，比好多連鎖式經營嘅上海食肆都出色。雖則這麼說，晚飯食品還是可以嘅。食完晚餐，終於輪到食「主菜」，我地攞住本甜品餐牌，左睇右睇，被裡面嘅圖片吸引，樣樣嘢都好似好好味，簡直係人生交叉點。幾經掙扎，我終於決定要「香蕉西米焗布丁」，阿K就嗌咗「甘潮露湯丸」，而阿Madam就想食「木糠布丁」，但係我同阿K嗌嘅甜品都要等，所以就等我地嘅order到咗之後先至落單。首先上嘅係
由於警察俱樂部位於銅鑼灣，我地就响附近搵食。經我嘅首席食之顧問阿K介紹，我地去咗呢間主要賣甜品嘅舖頭試一試。雖然話就話係甜品店，但係都供應有限度嘅晚餐。是晚我地三個人就叫咗「軟殼蟹柚子沙律」、「豬扒炒年糕」、「白汁蜆肉炒意粉」、「日本南瓜豬柳焗飯」。由於店舖主打係甜品，所以以上菜色唔係話好令人留下深刻印象，唯獨是「豬扒炒年糕」嘅年糕炒得好入味，比好多連鎖式經營嘅上海食肆都出色。雖則這麼說，晚飯食品還是可以嘅。
食完晚餐，終於輪到食「主菜」，我地攞住本甜品餐牌，左睇右睇，被裡面嘅圖片吸引，樣樣嘢都好似好好味，簡直係人生交叉點。幾經掙扎，我終於決定要「香蕉西米焗布丁」，阿K就嗌咗「甘潮露湯丸」，而阿Madam就想食「木糠布丁」，但係我同阿K嗌嘅甜品都要等，所以就等我地嘅order到咗之後先至落單。首先上嘅係「甘潮露湯丸」，甘潮露係用芒果汁加椰奶(??)製成，甜度適中，凍凍地，加上熱辣辣嘅湯丸，十分可口。Madam試完「甘潮露湯丸」，覺得好食，便改變主意嗌一客，點知食食吓聞到一陣好香嘅香蕉同埋custard味，哈哈!!我嗌嘅焗布丁終於出場。由於係焗嘅緣故，所以奉上時仲係有少少滾嘅。香蕉固然香，custard甜得嚟唔會膩，一啖一啖咁將布丁放入口，滋味無窮。madam被我嘅布丁及陶醉嘅樣嘅雙重誘惑下，終於打破戒口，再嗌多客焗布丁，同阿K一齊食。Madam話佢好飽，最多只會食三份之一，留番三份之一俾我食，點知佢一路食，一路同阿K傾計，唔覺唔覺食晒，我憎鬼死佢!!
最後埋單計數，一共三百五十九蚊。賬單設計亦很特別，計埋人均消費，唔駛我地左計右計。結論係甜品出色，晚膳一般，最重要係女人係善變嘅動物。
張貼
