小甜谷 Dessert Kaffee (已結業)

一班姐妹出黎聚會，食到大家都肚漲漲，未食正餐前已係hysan食左個牛角包，然後去打邊爐，到而家再食甜品，個胃好似無限大咁。早係小甜谷一開時就已經係大坑幫襯了好多次，一直都係食佢signature 牛乳布丁，及后佢轉左用澳洲牛奶，食過一兩次，覺得退步左就冇再去。今次姐妹又再推介，話個窩芙pizza超好食，一試，果然冇介紹錯。一入到樓底好高，裝修走少女風，一睇menu原來有正餐食，見隔離枱意粉大大碟，價錢唔貴，下次會試下。講番我地的甜品，見都幾大碟，於是5個人叫左3碟share。一個朱古力太軟，有一球雪糕同幾塊綠茶cookie。超好食，流心朱古力，好濃，個餅又好食，唔太甜。一個士多啤梨pizza窩芙，底係好脆好味的厚窩芙，中層有士多啤梨同芒果，中間有好多牛乳布丁，頂有一大球士多啤梨雪榚連放的碟都係彷樹木的切面，視覺同味覺都大滿足。最后係抹茶窩芙，用鐵pan上，最下層係好厚的多士墊底，跟住窩芙，頂係抹茶雪糕，另外有抹茶醬俾你另外淋上。抹茶味甘苦，但窩芙中間夾日式紅豆，中和左抹茶味，配搭得啱啱好。5個人，3樣甜品，共280蚊，野食高質，呢個價錢ok 啦