掌門重慶麻辣火鍋 (已結業)

我又來挑戰麻辣火鍋喇！！繼上次＂漲格＂之後，麻辣鍋真係令人又愛又恨！我對佢總係念念不忘⋯⋯今次黎左佐敦覓食地帶，聽同事介紹一行四人鎖定了掌門重慶麻辣火鍋，位置有少少偏離了主食街，但唔算難搵，反而靜中帶旺～感覺好東西總是被埋沒一二角，沒關係是金子的總會發光！！！一入去店子細小橘緻，與一般的店不一樣沒有超濃郁的麻辣火鍋味，感覺乾淨俐落多了！未order 店員已火速送上小食，有啪青瓜及麻辣腐著甚開胃～～餐廳果然夠體貼！聽店員細心介紹我地就試試翡翠麻辣鍋$148比起一般麻辣鍋感覺清淡，湯底其實加了大量的青辣椒，麻子及蔥頭，有份獨特的麻辣味～～比起一般麻辣鍋加上厚厚的牛油清新得多！好似少了一份邪惡感！哈哈～～極上手切肥牛$258（大）手切肥牛果然有誠意，絕對不是薄切，見到雪花油脂分佈可見真材實料！牛胸爽$108我第一次食，唔食太生可以勺多幾十秒，咬落口感爽彈但唔鞋口！不錯！必點的鴨血$88麻辣鍋怎少得的鴨血，正如食薯條少不了茄汁一樣的道理！什麼道理？😂蜂巢豆腐$48吸收了麻辣鍋的湯汁，超濃郁！食完絕對會想食第二舊！！葛絲$48想食麵食的朋友唔一定烏冬同丁麵咁＂行＂可以考慮下點葛絲，熟透後呈透明狀