小桃咖啡室 (已結業)

餐廳位於時代廣場對面，一幢大厦入面，要搭古老人手拉開門既電梯先到。上到去一入就係水吧位置，有金魚缸同各類調味同杯。近窗口置可坐到十多人，窗口望到時代廣場，好近。如果仲有有倒數活動，呢個位置一流！餐廳坐位唔多，有一間可以坐十人左右既私人房，有機打，有咪唱歌多數都係熟客同訂左位先上黎，咪未必有位。今次朋友介紹，所以一早就訂左位書架上有好多漫畫書可借閱。仲有唔少既board games ，一大班朋友黎唔驚會悶！我地叫左兩款食物，+48轉餐會有飲品同沙律、蒜蓉包左邊叫車方快車下面係荔枝蔬打，上面有一球雲尼拿雪糕。荔枝味幾fresh，淡淡地唔甜！蒜蓉包好香、好脆，不過硬左少少。沙律係吞拿魚粟米長通粉。通粉夠林，加埋沙律醬同吞拿魚，凍凍地都幾好味！pizza 薄底，好脆，似酥皮。上枱時仲熱辣辣，應該剛焗起。面頭芝士好多，好厚，好正！！卡邦尼意粉賣相唔錯！意粉軟硬度適中，有蘑菇、煙肉。最不喜歡食乾爭爭既煙肉，呢個煙肉好林。白汁好多，結結地，有啲"lime",撈埋食好好味！呢度幾適合一班朋友黎，如果多人既，仲可以book 佢間私人房，幾嘈或者傾密計都得！