花漾

營業中

休息中

放工行銅鑼灣 一直覺得時代廣場裏面啲嘢食好貴 但係耐咗冇呢 開咗好多人氣餐廳 呢間叫花樣 嘅餐廳 主打海南雞飯 喇沙 呢度裝修真係好靚呀 非常之乾淨光猛 仲好有藝術氣息 少女心出曬嚟 仲有好多卡位 感覺好舒服 餐牌上面嘢食選擇都好多 好多新派菜色又有傳統嘅海南雞飯 喇沙等等今日就清清哋食湯粉街頭雞鴨絲湯米粉湯底好清 分量都幾多 仲有大量鴨絲雞絲 都好多肉 幾好味小食點咗個好少見嘅 螄蚶 我本身都好鍾意食 除咗新加坡之外真係好少食到 所以見到都會點 而且醃螄蚶配上蒜頭 辣醬咁真係好開胃 我一個人可以食一碟 呢度嘢食水準好高 服務都好 店舖位置好多近地鐵站 我對呢餐好滿意