饗11 (已結業)

今日嚟試下呢間日式西餐廳，見佢有鐵板燒又有魚生壽司又有西餐，好似乜都有得食咁。叫左個set lunch: 香烤澳洲羊架配芥末籽燒汁，有前菜有湯有餐飲，加$38仲有甜品添。前菜沙律係水牛芝士無花果沙律，無花果好甜好味，水牛芝士都好香。之後就再加$68轉酥皮龍蝦湯，一向偏愛酥皮湯，龍蝦湯亦夠濃郁，仲有少少龍蝦肉粒添。主菜羊架睇落好唔錯，有3件羊架，仲有薯仔豆角做配菜。羊架唔會好多肥膏，肉多過脂肪，啖啖肉，肉質結實，沒有羊羶味，唯略嫌過熟。加錢要左一個檸檬雪葩，係將啲雪葩雪喺半個去左肉嘅檸檬入面，好有心思好特別。雪葩清新，最啱清清味蕾。