奕 串燒料理 (已結業)

平日返工多數買外賣响自己位食，但今日約左朋友就想搵間坐得舒服啲嘅。搵到 Times Square後面有啲上樓餐廳，見樓下姐姐派傳單 奕 串燒有8折，所以就試吓日本午餐😊入到去地方唔太大但好整潔，每張枱都有足夠嘅空間感。而員工亦會替每個客人細心幫忙量體溫、同俾搓手液食客用。見到個lunch set就突然好想食鰻魚，諗起個汁都流口水，所以叫左一個浦燒鰻魚丼，另外再點左個汁燒雞扒定食，兩個share😜每個lunch set都有前菜同麵豉湯，沙律菜配上柚子汁好fresh又食到好開胃。而個湯比平時嘅濃味少少，但唔會太鹹，食完就等個飯嚟啦🍚侍應都好細心，唔會一次過上菜而令到食物凍左。首先講吓個令人心動嘅鰻魚丼，上菜已經好欣賞佢嘅碟😂係厚身瓷器嚟，好靚好有style。個鰻魚一啲都唔肥喎，仲微微燒過，條魚嘅口感又juicy外面又脆卜卜👍🏻鰻魚下面仲加左少量煎香嘅蛋絲，中和返濃烈嘅鰻魚汁味。而個汁燒雞扒飯都唔差呀，雞扒外脆内滑，一樣煎得好香口，好有炭燒嘅feel。雖然唔多汁送飯，但佢個配菜超甜 - 椰菜配蛋黃醬，一啖雞一啖椰菜，好快就食晒成個set啦😋希望遲啲可以試吓佢晚市嘅串燒💪🏻