影片
更多
2024-04-29
2200 瀏覽
雖然我寫食評嘅呢一刻，哥登堡已經結業，但筆者都好想舒發一下哥登堡與我多年來嘅緣份。話說筆者中學就讀附近某陽氣極重嘅學校，所以30幾年前就開始食呢間野，老實講由於當年年紀細、見識少，有得食鐵板牛扒已經覺得好勁，即使好貴、儲一段時間錢就會嚟幫襯下。不過，其實當年都已經覺得食物水準一般，30幾蚊有得lunch鋸扒都算係咁。畢業後離開呢區，20幾年來應該幫襯過3次，主要都係老人家返嚟食下回憶。今次結業，返嚟完整地總結一下我認識的「哥登堡」環境 ✅✅✅論環境，同我30幾年認識嘅哥登堡可以話係無分別，當年環境好舊、依家一樣咁舊。枱椅擺設同以前一模一樣，舒適度都係一樣，真係好痴線！點解可以咁keep得食物 ✅✅✅雖然上文提到當年細個見識少，但其實當時已經覺得食物水準一般，去食嘅原因都因為成班o靚仔去鋸扒好型。今次返嚟同哥登堡埋齋，帶埋另一半叫咗兩份鐵板餐，分別係$160嘅鐵板牛扒及$170嘅鐵板牛柳，味道維持水準～～～唔好味！牛柳唔淋又細份，牛扒肉質有D假。跟餐飲品叫咗一杯紅豆冰同涼粉冰，前者味道幾好，不太甜又夠花奶，有傳統冰室嘅感覺；而後者味道一般，加上「涼粉冰」唔太有冰嘅感覺，所以都係差。性價比
環境 ✅✅✅
論環境，同我30幾年認識嘅哥登堡可以話係無分別，當年環境好舊、依家一樣咁舊。枱椅擺設同以前一模一樣，舒適度都係一樣，真係好痴線！點解可以咁keep得
食物 ✅✅✅
雖然上文提到當年細個見識少，但其實當時已經覺得食物水準一般，去食嘅原因都因為成班o靚仔去鋸扒好型。今次返嚟同哥登堡埋齋，帶埋另一半叫咗兩份鐵板餐，分別係$160嘅鐵板牛扒及$170嘅鐵板牛柳，味道維持水準～～～唔好味！牛柳唔淋又細份，牛扒肉質有D假。跟餐飲品叫咗一杯紅豆冰同涼粉冰，前者味道幾好，不太甜又夠花奶，有傳統冰室嘅感覺；而後者味道一般，加上「涼粉冰」唔太有冰嘅感覺，所以都係差。
性價比 ❓❓❓❓❓
大家無睇錯，性價比係無比分，舖都執咗啦，性價比高定低都唔關事。再者，今次返嚟食回憶，再次返嚟感受一下，不論好食與否我都係讚！讚老闆嘅堅持、讚店員嘅努力、讚40多年來(我唔知佢開咗幾耐)為區內居民嘅服務就夠，尤其係香港越來越唔似香港，筆者以前嘅地方「城寨」、美東邨、哥登堡一個一個消失，所以回憶比性價比更高。
最後，祝福被逼只能向前看的香港人！
鐵板牛柳
$170
72 瀏覽
0 讚好
0 留言
張貼
