新東記火鍋店 (已搬遷) 新店位置

近排天氣真係時熱時凍，明明新聞寫係20度，但係其實又幾涼下，所以都係打個邊爐下胃先得湯底都有唔少味道可以選擇，心大心細嘅我地，緊係揀鴛鴦湯啦，一邊係新加坡叻沙湯，一邊係味菜胡椒豬肚湯。前者味道微辣，內有芽菜，幾惹味，後者味道比較咸，可能啲味菜無沖水，味道真係超級咸，咬咗一啖真係覺得味道盡失，最好撈起一啲味菜，同加多啲水首先黎嘅係一樣唔係到到都有得食嘅牛白肉，其實姐係牛胸其中一部份黎，肉唔係紅色而係奶白色嘅，你以為佢係會好似肥膏嘅口感，或者同其他普通部位相似嘅口感，咁你就錯喇，佢嘅口感係爽口帶微彈牙，牛肉香唔係太突出，不過口感咁特別，同叻沙味湯底幾夾除咗牛白肉之外，緊係少不了要嗌番碟鮮嫩牛頸脊黎食，望落牛肉肥瘦分明，食落有陣陣牛香，口感都尚嫩滑，真係唔錯下一樣同樣係牛嘅食材黎，就係牛骨髓，次次打邊爐有嘅話我都會嗌，白色、滑溜溜、一條條咁嘅外賣可能會令唔少人卻步，但係獨有嘅味道同口感會令食過嘅人愛上，個人認為配麻辣湯底，味道更佳跟住打邊爐都必嗌啲丸類，我地就叫咗個自製三式丸，其實姐係三款手打嘅滑，分別有墨魚滑、蝦滑同鯪魚滑，需要自己用枝木羹將滑刮成丸子大小，每一款丸子都好彈牙，相信係因為手