餃子皇 (已結業)

下雨天, 極度潮濕, 胃口不佳, 找來找去, 最後都係食餃子, 真係好衰唔衰, 攞苦嚟辛, 有好既唔揀, 本來樓下阿芳餛飩, 係要行餐死既先心息, 哎….入去即ORDER, 煎韮菜餃子, 8粒, 收$29, 加一杯豆漿, $5, 共$34, 唔算貴. 豆漿先來, 紙杯上, 可能潮濕, 紙質軟淋淋, 自己又衰手軟, 差些倒翻. 豆味太淡, 唔夠濃, 幸好唔算甜, 當水飲!十分鐘左右, 餃子煎好上檯, 賣相幾好, 金黃色外皮, 唯油不少, 餃子皮都油油的, 可能放油太多之故, 煎過的餃子皮都有粒粒的點, 好似炸過一樣, 咬第一口, 熱爆, 內裡還有些少汁, 如果分開評分, 煎煮和熱度, 值80分以上, 但如論材料, 就差遠了, 韮菜豬肉餡, 食落完全沒無味, 沒有新鮮豬肉的鮮香味仍是全行通病, 無得投訴, 但連韮菜都欠味道. 話說回頭, 味道雖欠, 但口感尚可, 餃子皮仍不失皮脆兼彈牙.辣椒醬油應該是自家製的, 辣椒切得大少不一, 還有些少辣椒頭的根, 然而, 自家製的未必都是好嘢, 味道唔辣還有些苦味.因廚房屬開放形式, 無奈給食客睇見, 香港食店的廚房唔睇好過睇, 倒胃口, 通處黑色油