影片
更多
2009-12-14
88 瀏覽
星期日，天晴。晚上需出席宴會，於是與筆者父母中午嘆茶。眾多「利苑」分店皆摘星，斯人猶憔悴，國金被摘星，是日幫襯嘅沙田分店更星都唔星。早幾天電話預留座位，分頭(十一點半至十二點九)、二輪(十二點九打後)。心想，頭輪雖然較早，但係唔駛等交枱，就算食過了時，也不會迫人客交枱啩，於是便留了頭輪四位。飽類首先試了蠔汁叉燒包($16)，小小打破傳統，以蠔油汁非蜜汁製叉燒。熱辣辣新鮮出籠，但味道頗鹹，是蠔油汁太重手了；雪頂餐包($22)外貌似墨西哥包，外表嘅酥皮焗得甘香鬆脆，餡料亦暖和香甜，是不錯嘅甜包點；香糯鹹水角($19)入口煙韌唔肥膩，包裹著幾款餡料，食落亦十分搶味。蜜汁叉燒腸($26)腸粉皮比較厚身，不是正宗的晶瑩剔透，普通貨色而已；炸兩($22)嘅質素被平凡嘅腸粉影響，油條亦非新鮮炸的。沙薑鳳爪($28)醃得幾入味，而且是撈了一點沙薑油，不需點任何醬料已經可口非常；芋絲脆春卷($19)亦是即叫即炸，春卷皮炸得香脆，沒有翻熱後那種油益味，餡料份量適中，不是一味追求大件夾抵食般不斷將餡料塞進春卷裡。煎蘿蔔糕($19)也是上茶樓必吃點心之一，真正好味嘅蘿蔔糕，最少要八份蘿蔔一份粉，可想而知要花幾
眾多「利苑」分店皆摘星，斯人猶憔悴，國金被摘星，是日幫襯嘅沙田分店更星都唔星。早幾天電話預留座位，分頭(十一點半至十二點九)、二輪(十二點九打後)。心想，頭輪雖然較早，但係唔駛等交枱，就算食過了時，也不會迫人客交枱啩，於是便留了頭輪四位。
飽類首先試了蠔汁叉燒包($16)，小小打破傳統，以蠔油汁非蜜汁製叉燒。熱辣辣新鮮出籠，但味道頗鹹，是蠔油汁太重手了；雪頂餐包($22)外貌似墨西哥包，外表嘅酥皮焗得甘香鬆脆，餡料亦暖和香甜，是不錯嘅甜包點；香糯鹹水角($19)入口煙韌唔肥膩，包裹著幾款餡料，食落亦十分搶味。
蜜汁叉燒腸($26)腸粉皮比較厚身，不是正宗的晶瑩剔透，普通貨色而已；炸兩($22)嘅質素被平凡嘅腸粉影響，油條亦非新鮮炸的。沙薑鳳爪($28)醃得幾入味，而且是撈了一點沙薑油，不需點任何醬料已經可口非常；芋絲脆春卷($19)亦是即叫即炸，春卷皮炸得香脆，沒有翻熱後那種油益味，餡料份量適中，不是一味追求大件夾抵食般不斷將餡料塞進春卷裡。煎蘿蔔糕($19)也是上茶樓必吃點心之一，真正好味嘅蘿蔔糕，最少要八份蘿蔔一份粉，可想而知要花幾多人力去刨蘿蔔。這個程度嘅人力投入，絕對不合經營成本，十九蚊嘅蘿蔔糕，與一般市面食到嘅蘿蔔糕無異。珍珠雞($22)雖用荷葉包裹著，但感受不到荷葉香氣。
家鄉蒸粉果($19)吃起來十分論盡，粉果皮黏在一起，想夾起一件，連皮帶餡料跌到一籠都係，印象分打了折扣；燒賣($22)以蝦肉及豬肉製成餡料，比例大約是四六之比，無論是蝦肉嘅鮮味，抑或是豬肉味均比較淡，不是上佳嘅水準；同樣地，蝦餃($22)蝦肉味雖爽脆但也是淡了一點，幸好有肥肉幫幫手惹一點味。
甜點中馬拉千層糕($19)味道比較普通，而且蒸得亦不是鬆軟非常，水準中等；至於鬆脆麻花($18)令人驚喜，麻花脆卜卜，蘸上溶化了的麥芽糖，既香且甜美，是不俗的甜點。
茶芥十蚊一位，共銀四百蚊有找，平均每人一百蚊。點心出品，勝在大都是新鮮製造，即叫即蒸。點心嘅水準，屬中等級數，以點心論，無星不足為奇。
更多資料載於下列網址：
http://kenluihy.blogspot.com/2009/12/blog-post_14.html
張貼
