杉玉 (黃埔新邨)

營業中

休息中

壽司郎集團居酒屋，唔洗排隊嘅另一選擇。開到黎黃埔，今日見唔洗排隊就試下啦，佢Luch Menu都有唔少選擇，天婦羅、壽司、烏冬都應有盡有。舖頭入面環境闊落，裝修充滿日式風情，木製傢俬，好似真係去咗日本咁～因為人多所以安排咗坐卡位，如果少啲人就可能會坐得冇咁舒服，因為見啲凳都冇凳背。叫咗個吞拿魚丼，同一價錢有唔同嘅飯量選擇，包括少飯、正常同多飯，啱晒唔同胃口嘅人。吞拿魚亦都非常新鮮，魚蓉亦唔會有腥嘅感覺。唯一係佢啲水真係好熱，每次沖完茶，都要攤一陣子先飲得。