影片
更多
2009-06-05
19 瀏覽
經過幾次都知道稻坊打邊爐晚上九點後六折，今晚無煮飯老公又遲咗返嚟，所以就去幫陳下。（但呢個優惠只係星期一至四）侍應帶我們坐係最左邊的落地玻璃偏廳卡位，可以望到商場，感覺無咁嘈吵，冷氣不足，我覺得只係吹Ｄ風出嚟，果種溫度唔係太適合打邊爐囉，不過因為坐係風口，都可以接受的，未至於食到一身汗，不過食到尾聲時佢又開番大Ｄ冷氣，感覺就有Ｄ凍了。湯底選了$48的精選湯底，但原來只係莞茜皮蛋......佢地有個海鮮配料湯底，原價 $188 九點後 $168 有蝦、蟹、尤魚鬚等等海鮮配料，睇圖就好似幾豐富咁。配料價錢唔係記得太清楚(因為唔係我俾錢嘛，哈)不過都好平的點了：蝦、桂花蚌、花枝片、牛骨髓、芝士腸、肥牛、羊肉、通菜(蕹菜)、山根漏單：鯪魚滑（其實連我地都唔記咗，返到屋企至醒起，但因為配料到咗會蓋印仔，所以應該無計錢的）肥牛和羊片唔新鮮，又雪到好硬，黐埋晒，要兩個人幫手至可以分開。味道只能叫尚可，肥牛唔韌，羊片都有小小羶味牛骨髓肥大花枝片好好味，感覺亦新鮮桂花蚌都新鮮，有部份位置有小小韌，但整體都好嫩滑通菜是幼身旱蕹，十分嫩口，菜亦洗得好乾淨，不錯芝士腸呢種配料其實無咩可以評論，但我就覺得比我係
侍應帶我們坐係最左邊的落地玻璃偏廳卡位，可以望到商場，感覺無咁嘈吵，冷氣不足，我覺得只係吹Ｄ風出嚟，果種溫度唔係太適合打邊爐囉，不過因為坐係風口，都可以接受的，
未至於食到一身汗，不過食到尾聲時佢又開番大Ｄ冷氣，感覺就有Ｄ凍了。
湯底選了$48的精選湯底，但原來只係莞茜皮蛋......
佢地有個海鮮配料湯底，原價 $188 九點後 $168 有蝦、蟹、尤魚鬚等等海鮮配料，睇圖就好似幾豐富咁。
配料價錢唔係記得太清楚(因為唔係我俾錢嘛，哈)不過都好平的
點了：蝦、桂花蚌、花枝片、牛骨髓、芝士腸、肥牛、羊肉、通菜(蕹菜)、山根
漏單：鯪魚滑（其實連我地都唔記咗，返到屋企至醒起，但因為配料到咗會蓋印仔，所以應該無計錢的）
肥牛和羊片唔新鮮，又雪到好硬，黐埋晒，要兩個人幫手至可以分開。
味道只能叫尚可，肥牛唔韌，羊片都有小小羶味
牛骨髓肥大
花枝片好好味，感覺亦新鮮
桂花蚌都新鮮，有部份位置有小小韌，但整體都好嫩滑
通菜是幼身旱蕹，十分嫩口，菜亦洗得好乾淨，不錯
芝士腸呢種配料其實無咩可以評論，但我就覺得比我係街市買返嚟果Ｄ好食
山根都滿多的，我無數過，但起碼都有十個左右吧
蝦我敏感唔食得
招呼：OK喎，侍應反應都快同積極，雖然坐係偏廳位，但都無被冷落嘅感覺
埋單三個人只係 $220 覺得好抵食
整體嚟講，除咗肥牛同羊片麻麻地之外，其他配料都很不錯的，最起碼都嫩口和新鮮，
如果夜咗收工，都可以去刷番餐，因為真係好抵食，新裝修，衛生程度亦不錯，不防一試。
張貼
