飲茶 (南豐大廈)

營業中

休息中

嘆完下午茶，其實唔肚餓，但係7:30左右，又想食啲嘢，朋友提議食點心，正合我心意。不過中上環夜晚食點心，選擇真係唔多，最終搵到呢度。因為唔肚餓，只係叫咗四款點心：一籠八戒 其實係豬造型嘅叉燒包，都算合格，叉燒餡料切到細細粒，味道適中，外皮軟腍腍，唔係傳統嘅叉燒包爆開嗰種皮，係用奶皇包嗰種圓包皮。蟹籽燒賣呢款點心冇乜特別，同傳統燒賣差不多，不過頂部就唔係一隻蝦，係有啲蟹籽，裏面都係豬肉為主，有少許冬菇，略嫌偏鹹，可能我哋唔肚餓，所以啖啖肉，覺得有啲飽滯。本來唔係想叫燒賣㗎，要提提大家，有啲點心夜晚係唔供應嘅，所以我哋原本揀嘅腸粉，叉燒酥都已經冇晒。魔鬼帶子餃帶子餃有驚喜，因為冇相片睇，以為魔鬼嘅意思係辣辣地，點知一上枱，原來係扮魔鬼魚造型，都算幾Q，餃唔算大，一籠得兩隻，略嫌貴咗少少，不過裏面都足料，有一隻大蝦，同埋帶子，非常鮮味，呢個價錢，如果有多一兩隻就好啦😆野菌素餃子呢款餃子普普通通，都係同出面酒樓一樣嘅味道，勝在淡淡地，係我預料之中嘅。