金滿堂甜品

營業中

休息中

咁啱喺九龍灣食完晚餐，想食多一個甜品作結，於是搵咗呢間好出名嘅金滿堂，嚟到門口要先揀好野食，菬好單先安排入坐，甜品名好有趣，要睇埋解釋先知係食啲乜野，坐低5分鐘左右就有野食，今次叫咗一個「巨峰奇緣」主要係用櫻花冰做底，我覺得無棉花冰咁幼細，但粗小小反而有返冰嘅質感，而又未至於有冰粒，食落唔會有shock shock 聲，冰里面有巨峰提子汁，好full，食到尾都唔會淡而無味。而topping方面，一早set好，配搭上亦都好夾，雪糕好順滑，但我覺得上面堆cream先係點綴，令到清爽中都可以滿足到食甜品想要嗰種對糖同奶油嘅追求，其他嘅topping分別有椰果、丸子、「大粒爽口西米」同新鮮藍苺，每一種都有獨自代表嘅口感，食落每一啖都充滿不同體驗，有選擇困難或者唔想用腦嘅人可以直接點呢個啦，基本上都一定啱食。