點心到 (鴻星大廈)

營業中

休息中

放工唔知食咩好，經過油麻地見到夜晚竟然都有得食點心，我地又好耐無飲茶，所以體驗下夜晚飲茶。我覺得餐廳好好，飲茶竟然唔洗加一，因為點心比茶樓平，又唔收取服務費，我地兩個人點左8個點心，飽到傻，係三至四人份量，埋單都唔洗二百蚊。以飲茶同晚飯黎真係好抵，除左抵食點心都唔差，我覺得好食過普通茶樓質素，起碼碟碟都係熱辣辣。我地叫左金沙脆皮銀蘿腸,五香鹹水角,豉汁蒸鳯爪,鵪鶉蛋燒賣,蝦餃,燒汁釀虎皮椒,香煎蘿蔔糕,燒汁釀茄子。我覺得有驚喜係蝦餃，呢到既蝦餃皮薄且煙靭，餡多，蝦肉新鮮彈牙，口感非常好。另外係燒汁釀茄子，茄子煎都到熟透，軟綿綿又多汁，搭配彈牙鮮甜魚肉，下次去會想再叫呢兩樣，之前試其他點心。