滿屋日本料理 (大鴻輝(荃灣)中心) (已結業)

前幾日去左旺角食滿屋俾屋企人發現，今日要帶佢地去食一次，就近揀荃灣滿屋日式放題，一次過滿足佢地，令佢地食得盡興。我同屋企人覺得滿屋放題的食物水準都算好唔錯，而且價錢真係好合理，食材新鮮，跟單足！上菜速度同其他分店一樣超快😯，沒有漏單，食物一碟接一碟送上，店員亦好快清走空碟，服務細心👍🏻食物方面，我地都揀左刺身、壽司🍣、熟食和炸物，全部水準高，幾好食！ 刺身款式很多，大大件，好像赤蝦刺身好粗身大隻、甜蝦、北寄貝、 赤貝、鮮帶子、帝王蟹棒、天婦羅、八爪魚……等等。豪華版有中拖羅，海膽，刺身好新鮮👍🏻，好好味～熟食方面，必試鹽燒牛舌、 貓山王榴槤炸彈、海鮮粥，鮮甜美味，尤其係海鮮粥必食。天婦羅🍤亦做得不錯， 自助區有多款小食、甜品、爆谷、炸物、 飲品和酒類，各款都好吸引， 我就當然留肚食雪糕，Häagen-Dazs士多啤梨雪糕雪糕作結，非常滿足呀！ 整個用餐體驗很好👍🏻， 希望餐廳keep住呢個水準，下次一定會再來😊。