鳳城酒家

營業中

休息中

晚上嚟左呢間中式酒樓食順德菜。先叫左壺燉螺頭湯，湯係用紫砂茶壺裝住，好似飲茶咁幾過癮。入面都有啲湯料，雞肉、雞腳、螺頭、杞子、乾淮山，螺片食落仲幾嫩。前菜叫左鍋貼大明蝦，多士食落好酥脆，唔似食緊多士，蝦肉開半，肉質爽口。另外叫左大良炒鮮奶，簡單嘅用料，入口幾滑。鮮菠蘿燒白鱔去左骨，魚肉新鮮，魚皮燒得香脆，幾高質。竹笙燴上素係落左多種菇類一齊煮，簡單健康。最後甜品叫左西米焗布甸同雪燕楊枝甘露，整體食物味道幾好，酒樓啱啱新裝修完，環境幾靚。