影片
更多
2024-05-25
282 瀏覽
《The Point - Pizza & Pasta - 尖沙咀》收工約左Pu仔媽媽去尖沙咀食好西，今日我哋唔食日本嘢食pizza，喺尖沙咀嚟講，價錢都幾划算，晚市二人餐都係$398起😉包咗兩款前菜同埋兩款主食，仲可以以半價優惠加購非酒精嘅杯裝飲品同埋以優惠價加購小食及甜品，兩個人食到好飽好飽呀💁🏻♀️前菜 凱撒沙律其實前菜方面有餐湯同沙律可以選擇，想食好啲可以加$28換購龍蝦湯，我同Pu媽都諗住清清地食個沙律開吓胃先，醬汁都係一般嘅凱撒沙律醬，上面有大量煙肉碎，蔬菜得幾爽脆💁🏻♀️煙三文魚溫泉蛋pizza溫泉蛋一般都係喺意粉上面見到多啲，配搭pizza就真係好少見，我哋個位可以睇住職員喺個火爐前烤焗個pizza，睇住佢由搓粉到整起都幾精彩🤓味道方面，pizza嘅質地算係比較煙靭嘅嗰種厚批，三文魚鹹鹹地，再加上上面嘅三文魚籽，鹹鮮味十足，而溫泉蛋就正正可以中和返嗰種鹹香味道，味道特別，記住趁熱食喎💁🏻♀️四色芝士焗通心粉好經典嘅菜式Mac & cheese，喜歡食濃郁嘅芝士口味嘅一定喜歡😍食得到有藍芝士、Mozzarella cheese、車打芝士等等通心粉係屬於大大粒果隻，每粒粉入
收工約左Pu仔媽媽去尖沙咀食好西，今日我哋唔食日本嘢食pizza，喺尖沙咀嚟講，價錢都幾划算，晚市二人餐都係$398起😉包咗兩款前菜同埋兩款主食，仲可以以半價優惠加購非酒精嘅杯裝飲品同埋以優惠價加購小食及甜品，兩個人食到好飽好飽呀
💁🏻♀️前菜 凱撒沙律
其實前菜方面有餐湯同沙律可以選擇，想食好啲可以加$28換購龍蝦湯，我同Pu媽都諗住清清地食個沙律開吓胃先，醬汁都係一般嘅凱撒沙律醬，上面有大量煙肉碎，蔬菜得幾爽脆💁🏻♀️煙三文魚溫泉蛋pizza
溫泉蛋一般都係喺意粉上面見到多啲，配搭pizza就真係好少見，我哋個位可以睇住職員喺個火爐前烤焗個pizza，睇住佢由搓粉到整起都幾精彩🤓味道方面，pizza嘅質地算係比較煙靭嘅嗰種厚批，三文魚鹹鹹地，再加上上面嘅三文魚籽，鹹鮮味十足，而溫泉蛋就正正可以中和返嗰種鹹香味道，味道特別，記住趁熱食喎💁🏻♀️四色芝士焗通心粉
好經典嘅菜式Mac & cheese，喜歡食濃郁嘅芝士口味嘅一定喜歡😍食得到有藍芝士、Mozzarella cheese、車打芝士等等通心粉係屬於大大粒果隻，每粒粉入面都有大量芝士醬，好濃郁好入味☺️芝士控實喜歡
💁🏻♀️水牛城雞翼 +$58
口味微微辣的，包住脆脆既炸雞翼，想再濃味啲的話可以點埋個藍芝士醬，咸香味十足，仲可以用個醬黎點西芹添😉
💁🏻♀️朱古力布朗尼 +$58
甜品方面，我地兩個人揀左chocolate brownie share，鐵板上既brownie 暖暖地，上面再放上冰凍既雪糕🍦口感冰火交融☺️底下仲有脆脆既焦糖香蕉片，整體黎講甜左少少，但味道不錯
💁🏻♀️Fruit Punch 以半價$29換購
Pu媽叫左好classic 既fruit punch，睇落個顏色好靚，仲有好多雜果添，應該係幾fruity既感覺，打卡一流
💁🏻♀️Strawberry Ice Cream Float 以半價$29換購
而我見到呢一杯好似新地嘅東西，第一眼就好想試啦，好似日式嘅雪糕新地咁，下面係士多啤梨梳打再加一個雲呢拿雪糕球，出奇地呢杯飲品唔甜，冇乜糖漿嘅感覺但係好清新，用佢嘅雲呢拿雪糕溝勻當成cream好滑溜🫶🏻係我鍾意嘅嘢
張貼
