尚苑京滬川菜 (已改名) 查看

唔搵都唔知南洋中心地庫有間中菜，Ｄ小菜又幾好食喎， 而且去酒樓食飯多數都好嘈，哩度相對空間感大且闊落， 靜靜地幾好坐。晚市做緊優惠既菠蘿拔絲咕嚕肉只係$88, 幾乎枱枱都有一碟。咕嚕肉外層做到脆身效果, 肉質爽口, 成個口感好好, 酸酸甜甜配上新鮮菠蘿, 好味。另外叫左黑松露香煎肉餅 $168同埋乾扁肉鬆四季豆 $118, 哩兩個都超好送飯。四季豆d炒埋肉碎好夠咸香惹味。肉餅又厚煎得又香口, 入面有d菇既碎碎令口感同味道都更有層次, 面頭好多黑松露醬, 好正。連埋茶芥 $16/位,  小食 $20, 尖東食中菜黎講食物質素好, 價格亦合理, 值得一試。