御名園 (已結業)

同長輩食飯，一定首選揀中菜👨🏻，實無死。屋企附近的御名園做緊唔同嘅晚市優惠，價錢都幾公道。例牌燒鵝皮香肉滑，而且去骨容易食，唔會太肥，送飯一流！當薑蔥炒蟹轉為麵包蟹，同樣有驚喜，🦀濃厚的蟹膏，滿滿的蟹肉，炒得好有鑊氣。套餐的豉味虎皮椒炒日本黑豚肉，香辣惹味。🦐豉油王焗海蝦也好精彩，每一隻肉質也好彈牙。最後，還有晚市優惠的$98/隻的原隻四頭鮑魚燉花菇，炆得入味，鮑汁吸收哂精華，點了不後悔！最後甜品揀了桃膠杏仁露，滿足😻。酒家的出品相當有質素，難怪深得住在附近的街坊歡迎。質素幾好啊，小炒無失望，下次要試埋燉湯！