影片
更多
2022-07-26
1055 瀏覽
疫情非常嚴峻, 但係年初一除非不在香港, 否則一定要去母親大人處拜年, 拜完年後就一定去酒樓食晚飯, 但今年禁晚市堂食， 唯有去食午飯， 一早睇啱咗呢個午市商務全包宴， 六個人只係$1380 價錢都算唔貴。呢個上湯焗澳洲龍蝦伊麵賣相都唔錯，龍蝦肉幾爽口， 汁夠多， 味道唔錯。拔絲咕嚕黑豚肉個汁好醒胃， 啱啱好做到掛汁效果。 翡翠帶子炒珊瑚蚌火喉啱啱好， 西蘭花翠綠， 帶子同珊瑚蚌都好好味。金瑤扒豆苗， 瑤柱望落去以為好多， 其實夾雜咗金菇， 但味道都幾好。 至於個脆皮醬燒雞， 雞皮脆肉滑， 唔需要點個醬都夠味。清蒸金花龍躉斑， 都算幾大條， 蒸得啱啱好， 肉質都夠滑。臘味糯米飯色水差少少， 但味道都夠， 飯夠乾身唔會黐埋一舊舊。原隻鮑魚燒賣賣相一流， 唔算太多肥豬肉， 味道唔錯。水晶蝦餃皇只係一般水準， 至於個紅棗糕因為冇食到不能下評語。總結： 大年初一日子收咁嘅價錢算抵食， 況且份量都好足， 味道都唔錯！
疫情非常嚴峻, 但係年初一除非不在香港, 否則一定要去母親大人處拜年, 拜完年後就一定去酒樓食晚飯, 但今年禁晚市堂食， 唯有去食午飯， 一早睇啱咗呢個午市商務全包宴， 六個人只係$1380 價錢都算唔貴。
呢個上湯焗澳洲龍蝦伊麵賣相都唔錯，龍蝦肉幾爽口， 汁夠多， 味道唔錯。
拔絲咕嚕黑豚肉個汁好醒胃， 啱啱好做到掛汁效果。 翡翠帶子炒珊瑚蚌火喉啱啱好， 西蘭花翠綠， 帶子同珊瑚蚌都好好味。
金瑤扒豆苗， 瑤柱望落去以為好多， 其實夾雜咗金菇， 但味道都幾好。 至於個脆皮醬燒雞， 雞皮脆肉滑， 唔需要點個醬都夠味。
清蒸金花龍躉斑， 都算幾大條， 蒸得啱啱好， 肉質都夠滑。
臘味糯米飯色水差少少， 但味道都夠， 飯夠乾身唔會黐埋一舊舊。
原隻鮑魚燒賣賣相一流， 唔算太多肥豬肉， 味道唔錯。
水晶蝦餃皇只係一般水準， 至於個紅棗糕因為冇食到不能下評語。
總結： 大年初一日子收咁嘅價錢算抵食， 況且份量都好足， 味道都唔錯！
張貼
