南灣如心酒店P6宴會廳

營業中

休息中

早前就帶咗晞晞同老公去如心南灣海景酒店食自助餐😌點解會黎呢度呢？因為2019年3月中旬至5月期間推出【環保海鮮盛宴】自助晚餐，以可持續發展海鮮入饌嘅環保菜式，更以「我們這一代有得食，下一代都有得食」嘅目標，環保又係教小朋友嘅好題材👍🏻自助晚餐供應超過60款前菜、熱葷及甜品。主打冰鎮海鮮波士頓龍蝦﹑阿拉斯加蟹腳、冰島大蝦、意大利巴馬火腿伴蜜瓜、龍蝦湯、日本丼物、澳洲西冷牛扒、朱古力噴泉、即點即製夾餅或雞蛋仔、柚子蜜脆蛋散、紅棗雪耳雪梨燉桃膠、Häagen-Dazs雪糕等等！原來定時會有大廚師推出特別菜式俾客人排隊拎，好正呀！嗰日我哋仲試咗芝士釀蟹蓋、香煎豬柳、帶子鮮蝦蒸水蛋、蛋黃黃金蝦🙀，仲有鹽焗龍蝦添！我最欣賞就蛋黃黃金蝦，一問之下原來係利用由厄瓜多爾養殖嘅海蝦入饌，而海蝦擁有海洋管理委員會認證。食得出隻蝦充分沾上蛋黃醬而且香又脆，鹹蛋配上嘅菜式係特別討好。呢度海鮮種類多，有青口、長腳蟹、蝦、蜆、辣酒煮花螺，另外仲有蒸斑，小朋友食啖啖肉。值得一讚大大粒魚蛋，好彈口，不過我唔食得辣汁，食一粒就夠了！刺身方面都好多選擇，而且質素是OK的，唔係行嘢！有三文魚、鮑魚、鯑靈魚、甜蝦、帶子、吞拿魚