柳氏家 (已結業)

晚市成人放題有148/188今次食既係188四款炒雞揀兩款任食90分鐘，包埋放題區肉類海鮮。放題區肉類有牛有豬但醃得一般，有部份肉係冇味；海鮮亦冇醃過，只有雪水味，不值一提。飲品區凍飲全部有糖飲品，熱飲有咖啡、茶、水，甜品區有軟雪糕。另有沙律，泡菜，人蔘雞湯。如果要食既建議主力食炒雞，再加d放題區既肉上去炒，臨煮好落埋個炒面兜2下。我試既係柳氏家炒雞同蜜糖炒鷄，個人推薦辣既柳氏家炒雞，蜜糖味非常淡口。留意90分鐘時間比較短，叫炒雞預要等10分鐘，炒至食得要5至10分鐘，食埋又預10至20分鐘，即90分鐘頂盡食到2次炒雞。飲品區凍飲冇無糖野飲亦係敗筆。簡單黎講，想食既建議食午市放題，或買個炒雞外賣飯盒算，除非你想試下自己即場炒黎食。