牡丹金閣 (天慈商場)

營業中

休息中

今晚同朋友去到天水圍食飯，大家都不約而同咁話想食小菜，咁我哋就搵咗一間酒樓，叫牡丹金閣。佢哋啲小菜都唔算貴，我哋叫咗啲特式嘢食，食到好飽好滿足😊晚飯孖寶 - 脆皮燒鵝王 拼 蒜蓉開邊蒸海蝦。燒鵝🪿皮脆肉軟，重有好多肉汁，配埋酸梅醬，好食到停唔到口👍🏻蒜蓉開邊蒸海蝦🦐，海蝦非常新鮮，啖啖肉，配上蒜蓉鮮味更加出眾。海蜇薰蹄 - 薰蹄啖啖肉，用嚟送飯一流。海蜇爽口彈牙，有少少辣，越食越開胃。如果同三五知己去食小菜，呢間酒樓真係一個不錯嘅選擇。