海港酒家 (已結業)

今晚我們去咗大埔新達廣場嘅「海港酒家」食晚飯！我們叫咗赤小豆粉葛煲唐排煲得火候十足同相當足料，所以湯底嘅味道極之濃郁！豉油皇游水花竹蝦嘅外層煎得好香脆乾身，醬油嘅味道唔會好鹹，蝦肉嘅肉質超爽甜彈牙！晚飯孖寶：游水星斑仔嘅肉質蒸得非常嫩滑，味道好鮮甜！脆皮燒鷄燒得超金黃香脆，肉質相當鬆軟嫩滑，完全唔會有「嚡」嘅感覺！甜品：蜜梨紅元燉桃脂嘅味道非常香甜滋潤濃郁！