龍宴 (已結業)

今餐有菜有肉。第一味片皮鴨，第二味腐竹雜菌浸學斗苗，第三味臘味炒芥蘭。片皮鴨有俾青瓜、蔥同醬做配料。最鍾意就係自己用薄餅皮包晒佢地嗰下。片皮鴨味道還好，但賣相就差d。我覺得可以細塊少少同切口齊d，放整齊d。而且青瓜唔算新鮮，薄餅皮亦太乾。最愛就係第二味，清清地又唔會太淡，食到所有材料既味道。呢碟我食好多！喜歡清淡唔油膩既朋友要叫～第三味主要係靠臘味既香口，令成碟菜充滿油香。芥蘭唔會太老。鍾意臘味既朋友要試下。