甜點

營業中

休息中

開完會收工已經七點，想同朋友搵個地方可以一次過食哂晚餐同甜品唔洗周圍行。咁啱去到荃灣悅來坊附近見到甜點，環境都算靜，就決定一試😋鋪頭分咗門口同入面用玻璃隔住既房仔，我地冇特登問不過我諗如果多人又想要私人空間就可以坐入去喇～點餐既時候主食可以送野飲，五十幾蚊就食到一個意粉加飲品，晚市黎講呢度真係幾平！我地仲叫咗肉丸做小食，大大粒，兩個人share啱啱好。我自己叫咗個香草帆立貝蜆肉意粉，唔係話一食難忘但味道都唔錯特別推介我朋友叫既黑松露磨菇意粉，一上枱就聞到好香好濃黑松露味，雖然係cream野食落都唔會太膩。一人一碟份量啱啱好。傾下食下，食完正餐就可以上甜品喇😚我地叫咗一個熱一個涷既share，涷既係金露小丸子，好多芒果👅👅，配料好多樣，個汁甜酸都好適中。不過我期待既始終都係花膠燉甜椰！一個個椰子咁上，入面好多椰子肉，個燉奶好滑溜好香，配埋花膠又補又可以滿足心靈正啊！食完覺得自己被治癒咗喇，聽日又可以有精神繼續返工💛