金記冰室 (黃大仙中心南館) (裝修中)

金記係我同老公整日都會去的茶餐廳， 最近知道係老公司附近的黃大仙中心都開左， 以後唔想煮飯都可以去食~ 七點幾去到已經幾乎滿座，呢間有多款d特色小食添 包括我最愛的秋葵，仲係<冰鎮秋葵> ， 平時通常食燒秋葵或者天婦羅秋葵， 冰鎮都係第一次，冰鎮大大條， 咬落冰涼爽口，岩晒夏天食~ 之後點左個中式小菜晚餐<芝麻黑糖醋骨> ，奉送白飯、例湯， 老公話個俄羅斯羅宋湯味道濃，正~ 我就好鍾意個芝麻黑糖醋骨，d肉唔會太肥， 醬汁酸酸甜甜好開胃，仲有陣陣芝麻香味，送飯一流~ 因為我夜晚唔食飯，點左<無骨海南雞> 半隻， 食白肉健康d又冇禁肥，份量都幾多， 雞肉肉質幼嫩d會更好~ 仲有我次次必點的<雪糕紅豆冰> 紅豆多，椰汁又香濃，仲有香滑的雪糕~