鳥海山鐵板燒 (已搬遷) 新店位置

今日一做完野 就去我預約好嘅鳥海山食dinner 環境幾靚，整齊乾淨。餐牌有好多野簡。餓左好耐，商量好之後，叫左個大蝦餐先 2人份嘅。一個set都幾豐富，魚蝦肉齊晒。第一碟前菜是沙律，蕃茄同菜，幾好，期待陸續有嚟嘅菜式！大蝦香煎，2隻，蝦肉結實，味道岩岩好，蝦頭都可以食，都有唔少膏，食到舔舔脷！比目魚煎得金黃香脆，肉都幾滑，唔錯！安格斯牛肉，切到一粒粒細細粒，方便又容易咬，唔鹹唔淡。炒椰菜，岩岩出爐，送到上嚟仲係出緊煙，少少地咁炒，唔錯！櫻花蝦雞蛋炒飯，炒得好乾爽，一人一碗，已經好飽！最後嘅味噌湯，都唔錯！