稻香 (淘大商場3期)

營業中

休息中

真係，真係，真係，好難食。其實，瑤柱蛋白炒飯同埋炸子雞都OK。當上湯龍蝦伊麵上枱之後，就好唔對路。你可以想像下，龍蝦韌而無味，伊麵溝水，仲難食過乜都唔加。我諗去街市買返嚟自己慢慢煮都煮唔到佢咁嘅水準。係咪今日個大廚唔喺度啊？就算係都唔使咁㗎。其實我真係唔寫食評，但係忍唔住。喺櫃檯比茶包自己斟水仲要加人頭再加一。其實你俾杯茶我自己攞得㗎啦。如果人頭再加一不如你幫我斟茶啦。其實我個人冇乜嘢，好易話為㗎咋。我都係食返茶記或者北上好啦。心碎。而家斟杯茶定下驚先。