吉豚屋吉列豬扒專門店

營業中

休息中

放工同朋友約咗去屋企附近嘅吉豚屋食晚飯，大概七點多，去到門口有一堆人圍住，以為要等好耐，好彩都係等左兩三個字就有位。今次唔想食飯，叫咗個吉列豬柳泡菜湯烏冬。先講泡菜湯烏冬，分量頗大，材料豐富，有烏冬泡菜豆腐菜菜等等等，泡菜湯味濃郁，加上烏冬豆腐呢啲味道較淡嘅食材，令整個湯烏冬味道十分配合。吉列豬柳有兩塊，炸得很酥脆，個人覺得吉列豬扒好食好多（之前食過），但泡菜湯烏冬冇得配吉列豬扒，雖然豬柳都唔差嘅。另外有堆椰菜絲，個人就十分喜歡，加上芝麻醬，有一種沙律很fresh 嘅感覺，和炸物相配，兩者不可分割。其實呢個set分量都多，最後都食唔晒。