UCC Cafe City 21 (已搬遷) 新店位置

收工同同事去呢度食晚餐！商場內嘅餐廳，用矮屏風圍起，坐外圍會比逛商場嘅客人望住！難得唔使等位可以即入！坐最入2人枱，唔會比人望，餐牌圖文並茂，揀咗晚餐！食物好快到！餐湯：湯夠熱，黃色唔係粟米湯，像係蛋花湯，淡口無乜味道！一般沙律：蛋沙律足料，好多蛋白，蛋黃撈咗沙律醬滑口！唔會酸！好味芝士煙肉南瓜意粉（$118）好大盤，上面嘅芝士用火槍燒過，唔係焗，唔香但好燶味，螺絲粉彈牙，白汁滑，煙肉嫩滑好肥，南瓜大塊爽口，唔會爛晒，但啲味唔入味，只有外層有味，淡口！ok甜品：雪榚有兩種口味，呍呢嗱同朱古力，我食朱古力雪榚，已一早𢳂好落碗（連個碗都係冰凍架）雪榚唔夠滑，因為內部已冰，朱古力好淡，味道好一般！餐飲：揀咗招牌咖啡，見住店員將玻璃咖啡壺嘅咖啡倒落瓦杯，咖啡夠熱好香濃，落咗啡糖同奶，味道甘味香濃！好味！煙三文魚意粉（白汁）同事食食物ok，店員斯文，不過有位女店員應該係新手，忘記雪榚跟匙，比店經理大聲責怪，其實佢教新人唔緊要，但太大聲就幾令人側目！唔趕客人，傾偈就幾好！