巧饍坊(素食)

營業中

休息中

之前約過朋友食兩次，在地鐵沿線好方便。中午嘅套餐非常抵食，來到晚市，原來都有，而且仲有點心。枱上有一盞蓮花燈，浪漫又溫馨又定神。散叫了秘製咕嚕猴頭菇，不得了，咬感軟熟好有肉感，功夫到家認真一流，難怪咁多人推薦沒有點錯。京式烤填鴨，配上甘筍絲，較健康，仲有類似油炸鬼嘅硬脆，口感不錯。為素食者帶來回味無窮。川式酸辣粉，有新豬肉碎，水晶粉，湯底辣辣地，味道仿真度高. 素食中菜各式其式，巧手天工。與朋友傾偈耐了都唔會被趕走。唯一覺得佢嘅餐牌就比較簡陋，雖然素食者都不太講究，要為了吸引更多非素食者來，我覺得花多一點心思亦無妨。