Eris's Kitchen (已結業)

行到去D2 place睇有咩食，經過見到呢間本身唔知係餐廳黎因為門口睇落似普通飲嘢嘅bar，仲要有埋golf玩。但望真啲原來入面都有餐廳，見環境幾嘆仲要睇餐牌佢晚餐主菜做緊買一送一，咁除番都唔算貴。揀咗兩個主菜再加一個小食。小食叫左個黑松露薯條（$98）依個都幾驚喜估唔到咁好食，薯條炸得好好，好酥脆。個醬都好濃黑松露味加薯條上面嘅芝士粉，真係好正！主菜方面包左餐湯，個羅宋湯幾好飲，而且好足料好多蔬菜粒係入邊。主菜就叫咗鱸魚同西冷扒。兩個都好好食。個魚外脆內滑，又唔會腥。塊扒就好有咬口，肉味好重，超正。最後甜品揀左焦糖燉蛋都係好食的，食埋個甜品依餐真係大滿足！