真味鮮廚 (已結業)

唔知大家有冇試過係真味鮮廚食放題🤤今晚同屋企人一齊黎食，感覺好抵食！😆1.刺身拼盆呢度嘅刺身完全唔會輸俾日式餐廳😍，佢有甜蝦、帶子、鮑魚、三文魚等等。每一件都好新鮮，好滿足啊😌！甜蝦好大隻、好鮮甜。好少餐廳刺身會有鮑魚，但係今次竟然畀我食到，而且仲有四隻！鮑魚口感爽滑有韌度、回味悠長。帶子肉身有彈性，鮮味十足。其他刺身都一樣令人回味無窮。2.重慶雞煲雞煲入面嘅洋蔥、辣椒、大蒜、肉薑等等嘅材料都令到個湯底好濃郁。雞肉嘅份量絕對足夠食，如果唔夠食可以再添🤤👍🏻 雞肉嘅肉質緊實多汁、淡淡嘅辣味令人十分開胃。而且仲包括巨形水餃皇，真係同佢個名一樣咁巨形，裡面嘅肉好彈牙，蝦同樣爽口。3.龍蝦海鮮盆望到個樣就令人垂涎欲滴，滿滿一盆嘅海鮮真係好滿足🤤 我地叫嘅湯底係皮蛋香茜鍋，感覺上都幾特別！滿滿一鍋香茜，湯底較為清淡。但絕對唔會影響魚嘅鮮味，細細品嚐、極富嚼勁。龍蝦有手掌咁大，肉質飽滿緊實，龍蝦原本就清甜爽口，蘸上醬料之後又帶出龍蝦更豐富嘅味道。4.特級安格斯肥牛肥牛比較容易散開，所以記住要快點夾上黎，肉質新鮮且細嫩，配埋醬料，真係食到停唔到🥰🥰如果以上都唔夠食仲可以嗌其他配料，如豬肚、鮮蝦滑、鴨