御寶軒

營業中

休息中

初次體驗，我又覺得幾好喎！閑日嚟食晚飯，唔多人，有兩台大圍嘅，看似係商務飯局，所以比較嘈少少，服務員特意安排比較遠嘅枱俾我哋，所以就冇感覺到好嘈。兩個人唔叫得多嘢食，分別嗌咗兩款湯，包括杏汁燉白肺，同埋菜膽竹笙燉北菇湯。另外叫咗個蝦，一個白飯魚煎蛋，同埋一個菜。個蝦係服務員推介嘅，都唔係一啲特別貴價嘅菜式，亦都真係好味，夠香口。佢哋服務都好好，由於食蝦有好多蝦殼，佢哋都不斷為我哋更換個碟，起碼都換咗三次。成個晚餐嘅過程我都覺得服務好周到，嘢食好味，會再嚟。