麥奀雲吞麵世家 (白加士街) (已搬遷) 新店位置

今日中午同屋企人及老人家飲茶，但去茶樓飲得水多，好快又餓，晚餐未到已經餓到發狂，結果又去食麵，今日就去左麥奀記，先叫左雲吞麵，雖然雲吞麵比較細碗，但麵夠爽，唔會痴埋一齊，湯夠晒味，好香大地魚同蝦味，雲吞雖然細粒啲，但一啖一粒，啲蝦又爽甜，正！可惜食完碗麵都仲係餓，結果叫多個蝦籽撈麵，撈麵明顯大份啲，而湯就另上，由於蝦籽同湯已經夠晒味，可以唔洗再落蠔油或腩汁之類，蝦籽入口有啲卜卜脆既感覺，點少少醋，帶起少少酸味都幾正。