一心素食 (已結業)

放假又喺食食食，今日一早搞掂晒個個出門，就去買餸準備今晚的晚餐，因為今日好忙，搞掂晒就出茘枝角個媽咪到家訪，預產期11月頭，而家就係到等bb 出世後開工，睇下要準備啲嘢，入院前後的準備同要注意的事，走時見有時間就去咗七月完工個媽咪到探下個bb女, 媽咪湊得好好囡囡好肥好得意，跟住就去咗牛頭角等啲陪月同學，今晚飯聚喺一心素食，叫咗個十人餐連加一$1484，11款食品再加每人一個沙律菜，甜品同熱飲，只得九個人，個個話好飽最後無食糖水，無飲嘢個個話好飽，埋單每人$165她們個個都話好平下次可以再黎，傾下食下唔覺唔覺又十點，呢間喺工廠區入面要關門，我哋唯有下次再傾過，每次出黎個個都唔舍得走，所以一定要搵間可以坐好耐先得