Olive ERA (已結業)

先講店既環境:餐廳分為兩個部份,分別係室內同室外,當晚見到好多三五知己/帶狗仔既客人坐室外用餐。整體感覺有格調,有別於其他西餐店。MENU方面,選擇 種類亦好多,特別係,就算你係素食者,都有MENU岩你。值得推薦香辣雞翼配蜜糖蛋黃醬。雞翼雖然唔係好辣,但香脆夠過味夠紀對唔失望!外脆內嫩既口感,配埋蜜糖蛋黃醬,相當好食。海膽意粉配椰香海鮮濃汁。一排海膽完整擺係意粉上面,個心又開始1516,到底應該一啖食左佢好呀?定係撈個意粉食呢? 結果一半伴意粉食左,另一半啪左入口。夠鮮又唔會腥。意粉軟硬度係我鐘意既,醬汁方面,相當濃椰香既味道,加埋海鮮味道,大家都好夾。慢煮牛臉頰配薯蓉。雖然主角係牛臉,但薯蓉一樣好食,夠晒軟滑,配埋牛肉食,慢煮肉類能夠鎖住味道而又有營養。亦係滿意既菜式。ICE BUBBLE TRAMISU 雪泡奇緣,賣相好靚,但飲落呢,就係普遍ICE COFFEE芒果香蕉奶昔,比較少見芒果拼香蕉,多數都係芒果同菠蘿。ANYWAYS,都幾驚喜香蕉味道幾出位,可以搶過芒果小小。有點期待下次食呢個海鮮拼盤,睇價錢同圖片好似幾抵食。OLIVE ERA地址:黃大仙睦鄰街8號現崇山商場地下G1-